ERRONKA

Nola sustatuko dugu zientziarekiko konfiantza eta gizartea zientziara gehiago hurbiltzea?

Testuingurua

COVID-19aren pandemia dela eta, gizartea kontzientzia hartzen ari da zientzian konfiantza izateak duen garrantziaz, egiazko informazioa izateko. Gaur egun, aurrekaririk gabeko informazio masiboarekin, eta fake news delakoen goranzko testuinguruan, desinformazioari emateko erantzuna ezagutza zientifikoan dagoela ulertu dugu. Gizarteak, oro har, zientzia-albisteetan jarri du begirada, eta ez genuke galdu behar begirada hori. 

Hizkera argiagoa eta hurbilagoa erabiliz, zientzia hobeto komunikatzen den neurrian, publikoa gehiago fidatuko da zientzialariez, eta ez da hain ahul edo kaltebera izango ziurtasun faltsuen aurrean. Era berean, ezinbestekoa da herritarrek jakitea zer den zientzia egitea eta nola bilatzen diren erantzunak metodo zientifikoari eta pentsamendu kritikoari jarraituz. Horrela, herritarrak eta erabakitzaile publikoak zientzia-aurrerapenez hobeto jabetu ahal izango dira, eta beren iritziak eta erabakiak ezagutzan eta pentsamendu analitikoan oinarrituko dituzte.

Egungo egoerak aukera ematen du erreferentzia-esparru zientifiko bat sortzeko Gipuzkoako herritarrentzat eta komunikabideentzat, baita alderdi interesdunen artean elkarrekintza edo interakziorako gune bat sortzeko ere.

Helburua

“Eta orain, zer” ekimenaren esparruan eratutako lan-komunitatearen asmoa da hainbat eragilek (unibertsitate, ikerketa-zentro, teknologia-zentro, museo, elkarte eta abarrek) gure lurraldean egiten duten lan zientifikora hurbiltzea eta horretan inplikatzea Gipuzkoako gizartea, herritarren eta komunikabideen eskura jarriz informazio zientifikorako erreferentzia-esparru fidagarria, eta herritarren parte-hartzea bultzatu nahi du sortutako ezagutzaz sozialki jabetzeko, horren inguruko legitimitate eta konfiantza handiagoarekin.

Partaideak

Zientzia-komunitatea honako pertsona hauek osatzen dute:

Miren Millet
Miren Millet

Coordinadora

Txetxu Ausín
Txetxu Ausín

Aholkularia

Garikoitz iruretagoyena
Garikoitz iruretagoyena

Laguntzailea

Igor Campillo
Igor Campillo
Mikel Mancisidor
Mikel Mancisidor
Juan Ignacio Pérez
Juan Ignacio Pérez
Ricardo Diez Muiño
Ricardo Diez Muiño
Gurutz Linazasoro
Gurutz Linazasoro
Julio Arrizabalaga
Julio Arrizabalaga
Juantxo Agirre
Juantxo Agirre
Rosa Errazkin
Rosa Errazkin
Garazi Andonegi
Garazi Andonegi

Espero den emaitza

Helburu horri erantzun zehatza emateko, komunitate honek plataforma digital bat sustatu nahi du; hau da, tokiko irismena izango duen lankidetza-gune bat, kalitatezko zientzia-dibulgazioa ahalbidetuko duena ikuspegi zabal eta integral batetik, baita Gipuzkoako herritarren parte-hartzea ere zientziaren aurrerapenean.