ERRONKA

Nola indartuko dugu gazteen inplikazioa garapen jasangarriaren agendarekin, larrialdi klimatikoari aurre egiteko?

Testuingurua

Klima larrialdia definitzeko orduan nazioarteko adostasunik ez egon arren, modu amankomun batean konpartitzen da atzerako kontu batez ari garela, eta aurkako borrokan ezin dugula minutu bat ere galdu. Horrek urgentziazko izaera ematen dio beroketa globalari eta zientzialariek eta nazioek ezarritako helburuak lortzeko beharrezkoak diren aldaketa jakin batzuk bizkortu behar direla kontziente gara.

Azken urteetan gazteen mugimenduak ari gara ikusten munduaren zehar, non bizimoduaren aldaketa sakonak eskatzen dituzten beroketa moteldu, bere nahi gabeko ondorioak murriztu eta itzulerarik ez duten fenomenoei egokitzeko, zaurgarrienganako inpaktuak ekidituz.

Gipuzkoako Jasangarritasunerako Hezkuntzako sareak urteak daramatza klima larrialdia lantzen Eskolako Agenda 21, sentsibilizazio kanpainak eta programa espezifikoen bidez eta orain 2030 Estrategiarekin lerrotuko du bere ekintza. Taldeak, era autonomoan mugitzen ari diren gazteei laguntzeko eta helburu amankomuna lortzeko beraiekin indarrak batzeko grina badu ere, nola ekidin, zein erreferente erakutsi, nola eskaini behar dituzten baliabideak gazteen funtzionamenduan eta antolaketan interferitu gabe, galdetzen dio bere buruari. Gazteekin batera esploratu nahi du nola elkar lortu beste gazteen inplikazioa eta gizarteko beste atalen edo sektoreen partehartzea.

Helburua

Jasangarritasunaren Hezkuntzaren eboluzio erritmoa eta gizartearen aldaketarena nola uztartu hausnartzea beharrezkoa da berrikuntza eta eraginkortasun ikuspegitik. 

Gazteen mundu mugimendua fenomeno berria da, indar eta potentzial handikoa eta horrek oraina itxaropen eta aukeraz betetako momentu bihurtzen du eta baita elkarlanerako eta indarrak batzeko aukera ere; klima larrialdia arrazoi indartsua da elkarlanean lan egiteko. Hortaz, prozesu honen helburua topalekuak identifikatu eta elkarrekin proiektu baten prototipoa diseinatzea izango da.

Asko dugu ikasteko bertatik eta arrazoi onak ditugu indarrak batzeko eta elkarrekin eta modu eraginkorragoan lan egiteko, premiaz galdetzen digun erronka honi erantzuteko.

Partaideak

Gazteen komunitatea eta iraunkortasuna pertsona hauek osatzen dute:

Kakun Orbegozo
Kakun Orbegozo

Koordinatzailea

Cristina Monge
Cristina Monge

Aholkularia

Aitor Guisasola
Aitor Guisasola

Laguntzailea

Alaitz Bilbao
Alaitz Bilbao
Garazi Auzmendi
Garazi Auzmendi
Yolanda D. Rodriguez
Yolanda D. Rodriguez
Xabier Arlouchet
Xabier Arlouchet
Anne Rodriguez
Anne Rodriguez
Begoña Cabaleiro
Begoña Cabaleiro
Ekiñe Velasco
Ekiñe Velasco
Luis Mari Zaldua
Luis Mari Zaldua
Aitor Moreno
Aitor Moreno

Espero den emaitza

“Eta orain, zer” esparruan eratutako komunitateak bi errealitate horiek hurbiltzea du helburu, narratiben, lehentasunen eta funtzionatzeko moduen ezagutzatik espazio bat elkarrekin sortzen saia gaitezen; tokiko plataforma bat, ezagutzak, ideiak eta baliabideak partekatzeko; ekintzak koordinatzea; eta 2030 agendan oinarritutako ekimen berriak planteatzea, larrialdi klimatikoari aurre egitea lortzeko